1. ВОВЕД

Правното лице е Теха ДОО Тетово, а трговскиот бренд е Форма Нова, во понатамошниот текст ќе се користи името Форма Нова. Предмет на овие Општи услови е утврдување на условите за онлајн нарачка, плаќање и купување нa производи преку веб страната на Форма Нова www.formanova.com.mk Секој од подолу наведените изрази го има следното значење во смисла на овие Општи услови за онлајн купување: Посетител на страницата е секое лице кое по пат на средствата за електронска комуникација пристапува на веб страната www.formanova.com.mk и ја разгледува понудата на производи и/или услуги на Форма Нова. Купувач е физичко или правно лице кое преку веб страната на Форма Нова нарачува и купува производи и/или услуги од понудата на Форма Нова. За Посетителот односно Купувачот, кој стапува во деловен однос со Форма Нова се применуваат позитивните законски прописи во Република Македонија од областа на електронските комуникации, електронска трговија, заштитата на личните податоци и заштитата на потрошувачите, како и Општите услови за начинот на пристап и користење на јавните комуникациски услуги на Форма Нова.

2. РЕГИСТРАЦИЈА НА КУПУВАЧОТ

Купувачот кој сака да стане корисник на услугата за електронска трговија и сака да нарача и купи производ или услуга од Форма Нова преку веб страната www.formanova.com.mk потребно е по одбирањето на производот/те и нивно ставање во кошничката за купување да се регистрира на www.formanova.com.mk, за да може да отпочне и се реализира онлајн нарачката при електронска трговија. Регистрираниот онлајн купувач со пополнување на обрасците при купувањето на веб страната www.formanova.com.mk во целост ја потврдува точноста на податоците што ги внесува во образецот, вклучувајќи ги и личните податоци. Во моментот на нарачувањето на одреден производ/и од понудата, Купувачот се согласува на овие Општи Услови за онлајн нарачка, плаќање и купување на производ/и преку веб страницата на Форма Нова. Форма Нова го задржува правото да ги измени овие Правила или да ја укине Програмата за онлајн трговија. Во овие случаи истото ќе биде објавено на интернет страницата на Форма Нова, www.formanova.com.mk .

3. УСЛОВИ И ПРАВИЛА ЗА КУПУВАЊЕ

Цените на сите производи на www.formanova.com.mk се изразени во денари со вклучен ДДВ. Цените за онлајн купување може да бидат привилегирани и помали од малопродажните цени во салоните на Форма Нова и ќе бидат соодветно означени на веб апликацијата www.formanova.com.mk . Форма Нова го задржува правото за промена на цените, во согласност со политиката на компанијата, без известување за корисниците. Корекција на цената нема да биде извршена ако нарачката е прифатена. Купувачот се обврзува да ја плати цената, која е понудена во моментот на извршување на нарачката, независно од фактот што цената може да биде променета во меѓувреме. Артиклите кои се означени со специјални промотивни цени, за кои важат специјални промотивни услови и кои се ограничени со количини, од објективни причини постои можност да не бидат процесирани во системот, односно нарачките со тие артикли може да бидат откажани. Купувачот може да избере еден или повеќе производи, како и пакет на производи од понудата на Форма Нова. Купувачот може да ја откаже, дополни или корегира нарачката во било кое време, пред да го реализира плаќањето. Регистрирањето е задолжително за реализацијата на нарачката, и при нарачката, задолжителни се податоците за контакт, како и адреса за испорака. По завршувањето на нарачката ќе Ви биде испратен e-mail на адресата која ја имате наведено, за потврда на нарачката. При евентуални технички проблеми со интернет страната, Форма Нова има право да ја одбие нарачката или да го прекине процесот на купување, и не сме обврзани да извршиме никакво обесштетување, освен враќање на уплатените средства од страна на купувачот.

4. НАЧИНИ НА ПЛАЌАЊЕ

Плаќањето за производите и услугите на Форма Нова купени преку веб страната www.formanova.com.mk (во понатамошниот текст: Производи) може да се изврши на еден од подолу наведените начини:

-Плаќање со платежна картичка
-Плакање со банкарски налог и верификација на оператор
-Плаќање при достава на производот

4.1. Плаќање со платежна картичка Електронското плаќање на нарачаните производи е овозможено преку Стопанска Банка АД Скопје, членка на NBG групацијата, со сите картички од брендот на MasterCard и VISA издадени од која било банка во светот, а електронското дополнување е овозможено со истите картички издадени само во Р. Македонија. При плаќањето со платежна картичка, авторизацијата се врши автоматски онлајн преку CaSys. По успешно извршената авторизација, Корисникот прима известување за извршеното успешно/неуспешно плаќање по пат на е-пошта и/или СМС.

4.2. Плаќање со банкарски налог и верификација на оператор Плаќањето со Банкарски налог може да се изврши од страна на Физичко или правно лице од сите Банки регистрирани на територија на Република Македонија со сосдветен налог за трансфер нa средства по извршената онлајн нарачка и избирање на начин на плакање ”Плакање со Банкарски налог” По извршеното плаќање од страна на купувачот вработениот оператор за контрола и потврда на извршена трансакција е должен да ја провери веродостојноста на податоците и износот на извршената уплата со Банкарскиот налог, по што се пристапува кон известување на купувачот по пат на СМС порака или електронска пошта, по што се врши организирање на испорака на производот(те) на дадената адреса за испорака од страна на купувачот.

5. ИСПОРАКА

Испораката се врши на адресата дефинирана од Купувачот при извршената нарачка исклучиво на подрачјето на Р. Македонија само на лицето со својство на Купувач (име и презиме) или на лицето дефинирано како превземач на нарачката од страна на Купувачот. Бесплатната испорака за купување online на нашата web страна важи за целата територија на Р.Македонија. Преземањето може да се изврши исклучиво од страна на Купувачот (или наведеното лице за прием на нарачката) со покажување на валиден документ за лична идентификација.

Пред испораката на производот купувачот ќе биде контактиран, на телефонскиот број оставен за контакт, за потврдување на датумот и времето на испораката 1- 2 дена претходно  и на договорениот ден за испорака.Точен телефонски број е задолжителен податок при правење нарачка. Доколку нарачката е направена по 16 часот (од понеделник до петок), истата ќе биде проверена од наша страна наредниот работен ден и откако ќе се добие потврда за успешната трансакција, започнува да тече периодот за испорака.Доколку нарачката е направена во Сабота, Недела или во неработен ден, оваа процедура започнува од првиот нареден работен ден. Во рокот на испорака не се пресметуваат неработните денови и празничните денови.

Испораката на производите се извршува на адресата која купувачот ја определил и на начин кој ја одбрал при самото правење на нарачката,  а производите се преземаат од возило кое е паркирано на најблизок достапен паркинг или до влез во куќа , зграда или друг објект каде нема да има безбедносен ризик од оштетување на истото,ризикот го определува лицето кое ја врши доставата на лице место, само доколку нарачката е целосно платена.

Секој купувач е должен при превземање на производот, да го провери од евентуални оштетувања при транспорт, а доколку се работи за повеќе производи, дали одреден производ недостасува. Доколку производот е испорачан оштетен, или одреден производ недостасува од нарачката, купувачот треба да не информира веднаш, писмено на маил customercare@formanova.com.mk и да се запише на документите за прием , како би  превземале мерки за остранување на ненамерната грешка. Во овој случај, трошоците за замена на производот нема да бидат на товар на купувачот.

Во случај купувачот да сака да го врати производот, не по наша вина или вина на доставувачот и сака да му се врати уплатената сума за производот, тогаш од крајниот износ ќе биде одбиен целосниот трошок за испорака,во двете насоки по ценовникот на овластениот доставувач.

Доколку купувачот сака да го замени или врати производот, должен е да го чува неоштетен, неотпакуван и неупотребуван заедно со сите приложени документи на негов трошок да го донесе до главниот магацин на Форма Нова во Скопје , согласно со законот за заштита на потрошувачи. 

Испораката на нарачките ќе се врши со сопствено возило, односно од страна на Форма Нова. Доколку доставувачот – овластеното лице од нашата компанија која ќе го врши транспортот на производите на Форма Нова не успее да го најде Купувачот или наведеното лице за прием на нарачката на наведената адреса за испорака,или не се јавува на телефон оставен за контакт ,  производите ќе бидат вратени во централниот магацин и Купувачот ќе треба сам да ги подигне од централниот магацин  во Скопје .

Испораката на производите се извршува на адресата која купувачот ја определил во нарачката и на начин кој го одбрал при самото правење на нарачката и производите се преземаат од возило кое е паркирано на најблизок достапен паркинг или до влез до куќа каде нема да има безбедносен ризик од оштетување на истото, само доколку нарачката е целосно платена.

Производите се спакувани во соодветни амбалажни кутии, како заштита од евентуални оштетувања и се осигурани од губење или оштетување за време на транспортот.

Заедно со приемот на производите задолжително добивате и пропратна документација која се состои од: упатство за употреба, гарантен лист, фискална сметка или фактура со доставница за одредени производи, која сте должни да ја потпишете при приемот на производите.

6. РЕКЛАМАЦИИ

Во моментот на прием на производите, должни сте истите да ги прегледате и веднаш да приговорите за евентуални надворешни физички оштетувања на производите. Евентуалниот приговор треба да биде упатен на маил : customercare@formanova.com.mk    и кај лицето кое ја врши испораката, во спротивно сите подоцнежни рекламации во однос на надворешни физички оштетувања на производите нема да бидат прифатени.

Во случај на рекламација на даден производ, ве молиме на е-маилот:  да испратите слики:

• Фотографија од целиот производ
• Фотографија од пакувањето и бар кодовите од пакувањето
• Слика од упатството за монтирање со заокружен рекламираниот дел
• Копија од купопродажниот документ (фактура)
• Фотографија од местото на оштетување или проблематичниот дел
• Опис за видот на рекламација

Нашите стручни лица во рок од 15 дена ќе ве контактираат со евентуалните понатамошни чекори во врска со истата рекламација и ке одлучат дали рекламацијата е настаната од производителот или поради нестручно монтирање .

7. ВРАЌАЊЕ И РЕФУНДИРАЊЕ СРЕДСТВА

По извршената испорака и уредно примен производ  нема можност да се откаже купениот производ и да се сторнира платениот износ освен во случаи кога корисникот има право да го откаже купувањето врз основа на императивните одредби на Законот за заштита на потрошувачите.

Доколку Купувачот се определи за плаќање на услугите/и или производите со платежна картичка, постои можност од прекин на интернет конекцијата во моментот на плаќање. Доколку барањето за плаќање е регистрирано од страна на Форма Нова, Купувачот добива е-меил порака или СМС со извештај за статусот на извршената уплата т.е. нотификација за тоа дали извршената трансакција е успешна или неуспешна.

Доколку Купувачот добие е-пошта или СМС потврда за успешно извршено плаќање, а не го добие производот во предвидениот рок, во тој случај Купувачот може да достави приговор во било која продавница на Форма Нова или на customercare@formanova.com.mk      Купувачот е должен во прилог на приговорот да достави и доказ за потврда на уплатата и/или извод од банката за извршена трансакција. На сите кориснички рекламации и поплаки, Форма Нова ќе одговори во законски предвидениот рок од 15 дена.

Проверуваме дали производот е оштетен, а потоа ви испраќаме соодветна замена. Доколку на купениот производ се појават недостатоци во смисла на одредбите од Законот за заштита на потрошувачи, Ве молиме постапете на начин дефиниран со правилникот за рекламации на потрошувачи за роба купена преку интернет продавница, кој заедно со пополнет рекламационен лист треба да го пратите на адресата forma@formanova.com.mk .

8. ОДГОВОРНОСТ НА ФОРМА НОВА ВО СЛУЧАЈ НА ЗЛОУПОТРЕБА, НЕСООДВЕТНО И НЕОВЛАСТЕНО КОРИСТЕЊЕ НА ИНСТРУМЕНТОТ ЗА ПЛАЌАЊЕ

Форма Нова во потполност се оградува од каква било одговорност за штетата која може да му биде нанесена на Купувачот и/или на трети лица доколку истата настанала како последица на несоодветно и неовластено користење на платежната картичка односно доколку од било кои причини истата е злоупотребена или искористена без знаење и согласност на сопственикот или доколку е украдена. Во наведените случаи Форма Нова нема обврска да изврши поврат на уплатените средства. Форма Нова не е одговорен за трошоците за интернет сообраќајот на купувачот и нема да сноси одговорност за било која предизвикана штета која би можела да настане како резултат на прекин на интернет врската во моментот на користење на електронските услуги кога би се вршело онлајн купување.

9. ЗАШТИТА И СИГУРНОСТ НА ПОДАТОЦИТЕ

Форма Нова се обврзува да ја заштити приватноста на податоците, вклучувајќи ги и личните податоци на Купувачот од веб страницата на Форма Нова и потврдува дека со нив ќе постапува во согласност со Законот за заштита на лични податоци и други позитивни прописи од оваа област валидни во Р. Македонија. Основните правила за собирање, користење и заштита на податоците на сите посетители на веб страницата на Форма Нова www.formanova.com.mk , се наведени во Политиката за приватност, која исто така е објавена на веб страницата на Форма Нова, www.formanova.com.mk .

Во рамките на оваа Политика за приватност се утврдува кои податоци се собираат за време на посетата или онлајн регистрација и како тие се користат. При посетата на web страницата, Обувки Метро не врши автоматско прибирање на лични податоци, освен во случаи кога Купувачот доброволно ќе ги внесе овие информации, на пример, доколку за купопродажба на одредени производи и услуги внесот на лични податоци е задолжителен, во случај на учество во анкети, дополнителни маркетинг активности или барања за информации од страна на Форма Нова.

Приниципите наведени во Политиката за приватност се применуваат за заштита на податоците на сите посетители на веб страницата на Форма Нова, вклучувајќи ги и Купувачите на производи и услуги од веб страницата на Форма Нова. Политиката за приватност не се однесува на посетителите на други веб страници до кои се пристапува преку веб страницатa на Форма Нова.

10. ЕЛЕКТРОНСКОТО ПЛАЌАЊЕ

Плаќањето се извршува по електронски пат, во реално време на настанување на трансакцијата. За сигурноста на направените трансакции од страна на Купувачот гарантира АД Стопанска Банка Скопје. Електронското плаќање со платежни картички се врши со податоци кои поради безбедност при комуникацијата преку интернет се шифрираат со користење посебен SSL (Secure Socket Layer) протокол.

Притоа, податоците поврзани со платежната картичка на Купувачот или неговата сметка во банка се праќаат директно до банката преку шифрирана врска Форма Нова не ги собира гореспоменатите податоци и нема пристап до информациите поврзани со платежната картичка или сметката во банка. Форма Нова по ниту еден основ не презема одговорност за штета заради неовластена трансакција односно неовластено користење на личните податоци на Купувачот за време на реализација на електронското плаќање, бидејќи целокупното електронско плаќање е во надлежност на Банката.

11. ОСТАНАТИ ОДРЕДБИ

Производот/те се резервирани за испорака по добиената потврда за плаќање од страна на Купувачот. Со самото ставање на производите во кошничка не значи дека е направена резервација и дека е затворена нарачката. Доколку нарачката не е заклучена до крај, односно содржината на нарачката се уште се наоѓа во кошничка, а времето на неактивност на Посетителот/Купувачот www.formanova.com.mk е подолго од 30 минути, содржината на кошничката автоматски ќе биде избришана. Форма Нова го задржува правото без претходна најава да ги измени овие Општи услови како и содржината на www.obucametro.mk, а најновата верзија на Општите услови за онлајн нарачка, плаќање и купување на услуги и/или производи преку веб страната на Форма Нова, корисникот ќе може да ги прочита на веб страната на Форма Нова www.formanova.com.mk .

Измените на овие Општи услови стапуваат на сила со датумот на нивната објава. Се согласувам во целост со условите за електронска трговија, интернет купување и плаќање.